Մեր մասին
՛՛EduCompass՛՛-ի հիմնադիրներն իրենց մասնագիտական պատրաստվածությունն անընդհատ կատարելագործելու ձգտումով առաջնորդվող անձինքն են: Կրթություն ստանալով Հայաստանի, ԱՄՆ-ի, եվրոպական և ասիական մի շարք երկրների բարձրագույն կրթական հաստատություններում՝ նրանք ոչ միայն մասնագիտական խորը գիտելիքներ ու փորձառություն են ձեռք բերել համապատասխան ուսումնառության բնագավառներում, այլև շարունակաբար զարգացրել են իրենց հմտությունները՝ որպես մանկավարժներ, ակադեմիական խորհրդատվության, մենթորինգի և քոուչինգի մասնագետներ:
«Մենք որոշեցինք աջակցել ԱՄՆ-ում և Մեծ Բրիտանիայում՝ աշխարհի ամենագրավիչ կրթական կենտրոններից երկուսում գտնվող լավագույն համալսարաններում որակյալ կրթություն ստանալու մեծ ձգտում ունեցող հայ երիտասարդներին։ Մեզ ոգեշնչեցին մեր անձնական պատմությունները՝ որպես միջազգային ուսանողներ, այսօր արդեն՝ որպես արտերկրում սովորող աշակերտների ծնողներ»։
