Ուղևորություն համալսարան
Արտերկրում կրթական նոր համակարգին, տեղի մշակույթին հարմարվելը ուսումնական ճանապարհորդության ամենակարևոր մարտահրավերներից է։
Ելնելով մեր անձնական փորձից՝ մենք քաջատեղյակ ենք այն բոլոր դժվարություններին, որոնք պետք է հաղթահարի արտերկրում կրթություն ստացող յուրաքանչյուր միջազգային ուսանող։ Կրթական և գնահատման համակարգերի տարբերությունները, մշակույթի և հաղորդակցման ոճի առանձնահատկությունները, բազմաթիվ այլ մարտահրավերներ, անշուշտ, հաղթահարելի են։
Մենք ուրախ կլինենք աջակցել ձեզ համալսարանների կողմից կազմակերպվող նախապատրաստական ծրագրերի (orientation weeks), դասընթացների և մասնագիտական առարկաների ընտրության հարցերում:
Աջակցություն վիզայի ձեռքբերման գործընթացին
Մենք կարող ենք խորհրդատվություն տրամադրել պահանջվող ուսանողական վիզայի տեսակի վերաբերյալ, աջակցել վիզայի տրամադրման դիմում-հարցաթերթիկը լրացնելու, դեսպանատներում հարցազրույցի նախապատրաստվելու, ինչպես նաև միջազգային ուսանողների համար անհրաժեշտ վճարումներ կատարելու հարցերում:
Մեր խորհրդատուները վիզայի տրամադրման գործընթացի վրա որևէ ազդեցություն չեն կարող ունենալ։
Կողմնորոշում
Մեր խորհրդատուները կօգնեն ձեզ ծանոթանալ և հասկանալ այն բոլոր կարևոր տեղեկությունները, որ դուք կստանաք ձեր ընդունելության մասին իրազեկող այդքան սպասված նամակով և կից փաթեթում: Այս գործընթացը շատ կարևոր է Մեծ Բրիտանիայում և ԱՄՆ-ում ուսանողական կյանքին հնարավորինս սահուն ինտեգրվելու, ինչպես նաև համալսարանում ձեր հաստատվելու գործում:
Տեղավորում
Մենք կարող ենք նաև օգնել ձեզ ուսանողական կացարան ամրագրելու կամ ձեր ուսումնական վայրից ոչ հեռու գտնվող կացարան գտնելու հարցերում:
Ակադեմիական խորհրդատվություն/քոուչինգ և դասընթացների ընտրություն
Միջազգային ուսանողները հաճախ օգնության կարիք ունեն արտերկրի բուհերում դասընթացների և մասնագիտական առարկաների ընտրության, ինչպես նաև իրենց մասնագիտական ոլորտում ուսումնական պլաններ կազմելու գործում։ Մեր խորհրդատուները ուրախ կլինեն աջակցել ձեզ նաև նման հարցերում։